काठमाडौं – रुकुम पूर्वमा नेपाली कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले अग्रता कायम राखेका छन्। मतगणनाको सुरुदेखि नै उनी अग्र स्थानमा रहेका छन्।
हालसम्मको मतपरिणामअनुसार प्रचण्डले ४ हजार ३९८ मत प्राप्त गरेका छन्।
यस्तै नेपाली कांग्रेसकी उम्मेदवार कुसुमदेवी थापाले १ हजार २६१ मत प्राप्त गरेकी छन्। नेकपा एमालेका उम्मेदवार लीलामणि गौतमले ९०७ मत प्राप्त गरेका छन्।
अधिकांश क्षेत्रमा रास्वपाको बलियो उपस्थिति देखिएको छ, तर रुकुम पूर्वमा राष्ट्रिय स्वतन्त्र पार्टीका उम्मेदवार लखनकुमार थापा पछि परेका छन्। उनले अहिलेसम्म ३५४ मत मात्र प्राप्त गरेका छन्।
रुकुम पूर्वमा मतगणना जारी रहेको छ।
प्रतिक्रिया