काठमाडौं– सहिद स्मारक ए डिभिजन लिग अन्तर्गत शुक्रबार भएको खेलमा श्री भगवती क्लब र रानीपोखरी कर्नर टिम आरसीटीले जित निकाल्दा सातदोबाटो युथ क्लब र टुसाल युथ क्लबले पराजय भोगेका छन् ।

अखिल नेपाल फुटबल संघ (एन्फा) मैदान सातदोबाटोमा भएको पहिलो खेलमा श्री भगवतीले सातदोबाटोलाई ४—२ गोल अन्तरले पराजित गर्यो भने दोस्रो खेलमा आरसीटीले टुसाललाई २—१ ले हरायो ।

श्री भगवतीका लागि मोहन बहादुर थापा मगरले ह्याट्रिक गरेका थिए । उनले खेलको तेस्रो,२१ औं र ८१ औं मिनेटमा गोल त्यस्तै, श्रीभगवतीका आश बहादुर मगरले ८६ औं मिनेटमा गोल गरेका थिए । श्री भगवतीविरुद्ध गोल फकाउने क्रममा सातदोबाटोका दोर्जे तामाङले ६१ औं, ७१ औं मिनेटमा पृथ्वी चौधरी र भुवन बस्नेतले ८९ औं मिनेटमा गोल गरेपनि टिम श्री भगवतीसँग ४—३ ले पराजित भयो ।

त्यस्तै, शुक्रबार नै भएको दोस्रो खेलमा जीत हात पारेको आरसीटीका लागि उनम बुढाथोकिले २ गोल गरे । उनले टिमका लागि खेलको ३१ औं र ८१ औं मिनेटमा गोल गरेका थिए ।

सुरुआती अग्रता लिएको आरसीटीविरुद्ध टुसालका कर्ण रावतले ७६ औं मिनेटमा गोल गरेपनि टिठमलाई पराजित हुन बाट जोगाउन सकेनन् । जीत हासिल पारेका आरसीटी र रानीपोखरीले समान ३ अंक जोडेका छन् ।