लमजुङ- प्रतिनिधिसभा सदस्य निर्वाचनअन्तर्गत बिहीबार भएको निर्वाचनमा ५४.७६ प्रतिशत मत खसेको छ । जिल्ला निर्वाचन कार्यालय लमजुङका प्रमुख यादवराज आचार्यका अनुसार मतदाता एक लाख ३७ हजार १२४ मतदाता रहेकामा ७५ हजार ८५ मत खसेको प्रारम्भिक जानकारी छ ।

जसमा ३८ हजार ८५६ महिला र ३६ हजार २२९ पुरुष मतदाताको मत खसेको छ । चार नगरपालिका र चार गाउँपालिका गरी आठ स्थानीय तह रहेको जिल्लामा एकमात्र सङ्घीय निर्वाचन क्षेत्र रहेको छ ।

यसअघि भएको सङ्घीय प्रतिनिधि तथा प्रदेश सदस्य निर्वाचन २०७९ मा रहेको ६०.५८ प्रतिशत मत खसेको थियो । सो बेलामा जिल्लामा एक लाख ३३ हजार ५५९ मतदाता रहेका थिए । हालको निर्वाचनमा १३० मतदानस्थल तथा १९२ मतदान केन्द्र रहेको थियो ।