झापा – देशकै ‘हाइप्रोफाइल’ निर्वाचन क्षेत्रका रूपमा हेरिएको झापा क्षेत्र नम्बर ५ मा मतगणनाको तयारीका लागि सर्वदलीय बैठक सुरु भएको छ।

मतदान सम्पन्न भई सबै मतदान केन्द्रबाट मतपेटिकाहरू मुख्य निर्वाचन अधिकृतको कार्यालयमा संकलन गरिएसँगै गणनाको समय र प्रक्रिया टुंग्याउन बैठक बसेको हो।

यस निर्वाचन क्षेत्रमा नेकपा (एमाले) का अध्यक्ष केपी शर्मा ओली र राष्ट्रिय स्वतन्त्र पार्टीका वरिष्ठ नेता बालेन शाहजस्ता प्रभावशाली उम्मेदवार प्रतिस्पर्धामा रहेका कारण यो क्षेत्रलाई विशेष चासोका साथ हेरिएको छ।

यसैबीच झापा जिल्लाका पाँचवटै निर्वाचन क्षेत्रको मतगणना हुने स्थान पनि तय गरिएको छ।

• झापा क्षेत्र नं. १ – मेचीनगर नगरपालिका

• झापा क्षेत्र नं. २ – अर्जुनधारा नगरपालिका

• झापा क्षेत्र नं. ३ – जिल्ला समन्वय समिति ९जिविस०

• झापा क्षेत्र नं. ४ – कन्काई नगरपालिका

• झापा क्षेत्र नं. ५ – दमक नगरपालिका–८ स्थित अर्गानिक कृषि केन्द्र