काठमाडौं- नेपाली कांग्रेसका सभापति गगनकुमार थापा उठेको सर्लाही क्षेत्र नम्बर ४ मा बिहानै मतदाताबीच हानाहान भएको छ।

मतदान सुरु भएकै केही समयमै हुलदङ्गा भएर दुई पक्षका मतदाताबीच हानाहान भएको हो ।

सर्लाही ४ को बसबरिया गाउँपालिका–३ भवानीपुरस्थित जनता माध्यमिक विद्यालयको मतदान केन्द्रमा मतदान सुरू भएको केही समयमै विवाद भएर कुटाकुटको अवस्था भएको हो ।

दुई पक्षबीच हानाहान भएपछि त्यहाँ केहीबेर मतदान नै प्रभावित हुन पुगेको छ।

अ्कातिर सर्लाही-४ अन्तर्गत बलराको जब्दी मतदान केन्द्रमा पनि मतदान स्थगित भएको छ ।

जब्दीस्थित श्री प्राथमिक विद्यालय मतदान केन्द्रमा एक वृद्धले आफन्तबाहेक अरूको सहयोगबाट मतदान गर्ने प्रयास गरेपछि बुथ एजेन्टबीच विवाद भएर मतदान रोकिएको हो ।