काठमाडौँ- रामेछापममा निर्वाचनका कर्मचारी र सामग्री बोकेको गाडी दुर्घटना हुँदा २ जनाको ज्यान गएकोछ ।
रामेछाप नगरपालिका–२ स्थित सिरुबारीमा ना ७ ख ६७६८ नम्बरको गाडी भीरबाट खसेको हो ।

दुर्घटनामा परेर प्रहरीका असई पर्शुराम यादवको घटनास्थलमै मृत्यु भएको थियो । त्यसतै मतदान अधिकृत डोरप्रसाद घिमिरेको मन्थली अस्पतालमा उपचारको क्रममा मृत्यु भएको रामेछापका प्रमुख जिल्ला अधिकारी श्यामकृष्ण थापाले जानकारी दिए ।

सोमबार मतदान सामग्री र निर्वाचन कर्मचारी लिएर रामेछापको रामेछाप नगरपालिका(२ देउरालीतर्फ जाँदै गरेको गाडी दुर्घटनामा परेको थियो ।

घिमिरेलाई रामेछाप(२ को वडा कार्यालय भवन, साँघुटार ख मतदान केन्द्रमा मतदान अधिकृतको रुपमा खटाइएको थियो ।

उनी रामेछाप नगरपालिका ३ स्थित साँघुटारस्थित रुद्राक्षश्वर माध्यामिक विद्यालयका शिक्षक हुन् । प्रमुख जिल्ला अधिकारी थापाका अनुसार घाइते ७ जनालाई हेलिकप्टरमार्फत काठमाडौं पठाइएको छ ।

दुर्घटनामा परेर ७ जना घाइते भएका छन्। घाइतेहरू भीमबहादुर मानन्धर शिक्षक, सम्बर बहादुर मानन्धर ड्राइभर, कृष्णप्रसाद घिमिरे शिक्षक, दुर्गा कार्की, सविना खड्का, केदार कुमार रोका र पूजादेवी सुनुवार छन् ।