एजेन्सी– इरानले जापानी सार्वजनिक प्रसारणकर्ता एनएचकेका तेहरान ब्युरो प्रमुखलाई पक्राउ गरेको  मिडिया रिपोर्ट गरेको छ । रिपोर्टहरूले उनलाई शिन्नोसुके कावाशिमाको रूपमा नाम दिँदै कुख्यात एभिन जेलमा सारिएको जनाएका छन् । 

‘एनएचकेमा सधैँ कर्मचारीहरूको सुरक्षालाई सर्वोच्च प्राथमिकतामा राखिएकाले यस समयमा, थप टिप्पणी गर्न असमर्थ रहेको’ एनएचकेका प्रवक्तालाई उदृत गर्दै एएफपीले जनाएको छ । 

सरकारी प्रवक्ता मसानाओ ओजाकीले जनवरी– २० मा एक जापानी नागरिकलाई हिरासतमा लिइएको तर थप विवरण दिन अस्वीकार गरेको पत्रकारहरूलाई बताए । 

तेहरानमा स्थानीय अधिकारीहरूले एकजना जापानी नागरिकलाई हिरासतमा लिएको जापानी सरकारले समेत पुष्टि गरेको छ । नजर बन्दको मुद्दा बाहिरिए पछि सरकारले इरानी पक्षलाई सम्बन्धित व्यक्तिलाई चाँडै रिहा गर्न आग्रह गर्दै आएको ओजाकीले बताए । 

उनले पिडितको परिवार र अन्य सम्बन्धित पक्षहरूसँग पनि सम्पर्कमा रहि आवश्यक सहयोग प्रदान गरिरहेको बताए।