काठमाडौं- राष्ट्रिय स्वतन्त्र पार्टीका सभापति रवि लामिछानेले आफूलाई संसद्‍बाट छलछाम गरेर निकालेको भन्दै नेकपा एमालेका महासचिव शंकर पोखरेलप्रति आक्रोश पोखेका छन् ।

२०८० वैशाखमा दोस्रो पटक चितवन क्षेत्र नम्बर २ बाट निर्वाचित भएपछि गृहमन्त्री बनेको अवस्थामा आफूलाई संसद्बाटै निकाल्न पोखरेलले भूमिका खेलेको भन्दै आक्रोश व्यक्त गरेका हुन् ।

दाङको घोराहीमा शुक्रबार आयोजित रास्वपाको चुनावी सभालाई सम्बोधनका क्रममा पोखरेलको नाम नलिइ उनले भने, ‘गृहमन्त्रीका रुपमा राम्रो काम गरिरहहेका बेला मलाई छलछाम गर्दै संसद्बाट निकाल्नेहरु यहीँ छन् ।’

पोख्रेलविरुद्ध खनिएका उनले आफूलाई संसद् पदबाट निलम्बन गर्न प्रमुख भूमिका खेलेको पनि आरोप लगाए । ‘त्यसबेलाका योजनाकार यहीँ छन् । यो देशका जनतालले दोस्रो पटक सबैभन्दा धेरै मत दिलाएर जितेको अवस्थामा मलााई छलछाम गरेर निकाल्ने यहीँ छन्’, उनले अगाडि भने, ‘भ्रष्टाचारविरुद्ध काम गरिरहेको मलाई विचौलियासँग मिलेर मध्यराति हस्ताक्षर गरेर दुई घण्टामा निकाले ।’

उनले त्यसबेलाको आक्रोश पोख्ने क्रममा अब आफूलाई जनताको मनबाट निकालेर देखाउन पनि चुनौती दिएका छन् । दाङको तुलसीपुरमा बिहीबार रविलाई नै स्वागत गर्न बसेकाा रास्वपा कार्यकर्ताले एमालेको झण्डासमेत जलाइदिएका थिए । शुक्रबारको सभामा उनी झन् आक्रोशित मुद्रामा देखिएका हुन् ।