काठमाडौं– नेपाली कांग्रेसका सभापति गगन थापाले पार्टी प्रतिज्ञापत्र सार्वजनिक गरेपछि अब जनताका प्रश्नको सामना गर्ने बेला आएको बताएका छन्।
उनले राजनीतिक दलहरू जबाफदेही हुनुपर्ने उल्लेख गर्दै प्रश्नबाट भाग्ने होइन, प्रत्यक्ष रूपमा सामना गर्न सक्नुपर्छ भन्ने धारणा राखे।
सभापति थापाले भोलि राष्ट्रिय सभा गृहमा आयोजना हुने कार्यक्रममा आफूहरू उपस्थित भएर जनताका प्रश्नको प्रत्यक्ष उत्तर दिने जानकारी दिए।
‘नेपाली कांग्रेस प्रतिज्ञा लिएर आएको छ, तपाईँ प्रश्न लिएर आउनुस्,’ उनले भने।
काठमाडौंभित्र तथा बाहिर बसोबास गर्ने नागरिकहरूले पनि आफ्ना जिज्ञासा राख्न सक्ने व्यवस्था गरिएको छ।
प्रतिक्रिया