भैरहवा- जनता समाजवादी पार्टी (जसपा), नेपालबाट रुपन्देही क्षेत्र नम्बर ३ का उम्मेदवार श्रीनिवास यादव नेकपा एमालेमा प्रवेश गरेका छन् ।

जसपा नेपालका केन्द्रीय सदस्यसमेत रहेका यादव सोमबार एमालेमा प्रवेश गरेकाा हुन् । यादवलाई सोमबार भैरहवामा आयोजित कार्यक्रममा एमालेका केन्द्रीय सदस्य भूमिश्वर ढकाल र गुमादेवी आचार्यसहितले स्वागत गरे ।

‘…प्रचलित कानूनअनुसार उम्मेदवारी दर्ता गरी आजका मितिसम्म म श्रीनिवास यादव रुपन्देही क्षेत्र नम्बर ३ का मतदाताका अधिकांश घरघरमा पनि पुगेको छु’, उनले वक्तव्यमा भनेका छन्, ‘यस क्रममा मतदाताको मनोभावनाको मध्यनजर गर्दै र अहिलेको विषम राष्ट्रिय परिस्थितिलाई ध्यानमा राख्दा मुलुकको राजनीतिक स्थायित्व र निकासका लागि एमाले नै प्रमुख राजनीतिक शक्ति रहेको स्वीकार्दै जसपा नेपालको साधारण सदस्यसहित सम्पूर्ण जिम्मेवारी परित्याग गरेको घोषणा गर्दछु ।’