काठमाडौं– लामो समयको झापाको बसाईपछि काठमाडौं फर्किएका पूर्वराजा ज्ञानेन्द्र शाहलाई समर्थकहरूले त्रिभुवन विमानस्थलमा स्वागत गरेका छन् ।  

शुक्रबार काठमाडौं फर्किएपछि पूर्वराजा शाहलाई ठूलो सङ्ख्यामा उपस्थित भएका समर्थकहरूले विमानस्थल मुख्य गेट बाहिर स्वागत गरेका हुन् ।

राष्ट्र, राष्ट्रियता, धर्म, संस्कृति र नागरिक बचाउ अभियान र राजावादी संस्थाहरूले शाहलाई स्वागतका लागि विमानस्थल पुग्न आह्वान समेत गरेको थियो ।

प्रशासनले विमानस्थल क्षेत्रमा निषेधाज्ञा जारी गरे पनि ठूलो सङ्ख्यामा राजसंस्था समर्थकहरू स्वागतका लागि पुगेका थिए । उनीहरूले राजसंस्था समर्थित नारा लगाएका थिए ।

पूर्वराजा शाह शुक्रबार हेलिकप्टरमार्फत झापाबाट काठमाडौं आएका थिए ।