काठमाडौं– रामेछाप बस दुर्घटनापछि नेपाली कांग्रेस र राष्ट्रिय स्वतन्त्र पार्टीले (रास्वपा) ले दु:ख व्यक्त गरेका छन् ।
मंगलबार काठमाडौंबाट ओखलढुङ्गार्फ जाँदै गरेको बस तामाकोशी नदीमा खस्दा १२ जनाको ज्यान गएको खबरले स्तब्ध भएको दुवै पार्टीले विज्ञप्तीमार्फत जनाएका छन् ।
दुबै पार्टीले असामयिक मृत्युवरण भएका सबैमा हार्दिक श्रद्धाञ्जली अर्पण गर्दै मृतकको चीरशान्तिको कामना गरेका छन् ।
अरनिको यातायातको प्रदेश ०३–०१–००५ ख ९९७५ नम्बरको बस आज बिहान रामेछाप मन्थली नगरपालिका–६ मसानटारस्थित सडकबाट करिब एक सय मिटर तल तामाकोशी नदीमा खसेको हो ।
प्रतिक्रिया