बेइजिङ– चीनले सोमबार जापानलाई आफ्नो आक्रामकताको इतिहासलाई गहिरोसँग मनन गर्न र यासुकुनी तीर्थस्थलजस्ता प्रमुख ऐतिहासिक मुद्दाहरूमा विवेकपूर्ण हुन आग्रह गरेको छ । 

जापानका प्रधानमन्त्री साने ताकाइचीले यासुकुनी तीर्थस्थलबारे हालै दिएको टिप्पणीको जवाफमा विदेश मन्त्रालयका प्रवक्ता लिन जियानले नियमित पत्रकार सम्मेलनमा उक्त टिप्पणी गरेकी हुन् । लीनले भनिन्, ‘यासुकुनी तीर्थस्थलले विदेशी आक्रामकता निम्त्याउन आध्यात्मिक उपकरण बनेको र यो जापानी सैन्यवादको प्रतीकको रूपमा काम गरेको छ,  यसले १४ जना दोषी करार भएका युद्ध अपराधीहरूलाई सम्मान गरेको छ।’ 

जापानी यासुकुनी पवित्रस्थलको मुद्दाको प्रकृति जापानले आफ्नो सैन्य आक्रमणको इतिहासको सामना गर्न सक्छ कि सक्दैन र गहिरोसँग चिन्तन गर्न सक्छ कि सक्दैन भन्ने कुरामा निर्भर गर्दछ र यो मुद्दा मानव विवेक, चीन–जापान सम्बन्धको राजनीतिक आधार र एक राष्ट्रको रूपमा जापानको विश्वसनीयतामा रहेको उनले बताइन्। 

‘इतिहासको भूलभुलैया भनेको विश्वासघात हो, र जिम्मेवारीलाई इन्कार गर्नु भनेको जिम्मेवारीप्रति गम्भीर नहुनु हो,’ लिनले भने। 

‘सन् २०२६ ‘टोकियो ट्रायल’ को सुरुवातको ८० औँ बर्ष हो। यस्तो विशेष वर्षमा जापानले आफ्नो आक्रामकताको इतिहासलाई प्रत्यक्ष रूपमा सामना गर्न र प्रतिबिम्बित गर्न, यासुकुनी तीर्थस्थल जस्ता प्रमुख ऐतिहासिक मुद्दाहरूमा विवेकी हुन, गलत इतिहास नदोहोर्‍याउन र वास्तविक कार्यको साथ सैन्यवादसँग स्पष्ट सम्बन्ध विच्छेद गर्न आवश्यक छ,’ लिनले थपे ।