अमेरिकाले आतंकवादी संगठन अल कायदाका संस्थापक नेता ओसामा बिन लादेका छोराको टाउकोको मूल्य निर्धारण गरेको छ ।

अमेरिकाको जस्टिस डिपार्टमेन्टको रिवार्ड फर जस्टिस कार्यक्रम अन्तर्गत हमजा बिन लादेनको टाउकोको मूल्य १० लाख अमेरिकी डलर तोकिएको छ ।

पछिल्लो समय अल कायदामा उदयीमान नेताका रुपमा रहेका थिए । उनले पछिल्ला केही वर्षयता अडियो तथा भिडियो सन्देश जारी गर्दै आफ्ना समर्थकहरुलाई अमेरिका तथा पश्चिमा मुलुकमा आक्रमण गरी आफ्ना बुबाको बदला लिन आह्वान गर्दै आएका थिए ।

अल कायदा प्रमुख ओसामा बिन लादेनको सन् २०११ मा अमेरिकी विशेष सुरक्षा कारवाहीमा मृत्यु भएको थियो ।

हमजा बिन लादेन हाल ३० वर्ष आसपास रहेको बताइन्छ । उनलाई अमेरिकाले गत वर्ष मात्र औपचारिक रुपमा आतंकवादीको सूचिमा राखेको थियो ।

उनी हाल पाकिस्तान तथा अफगानिस्तानको सीमा आसपास भूमिगत रहेको बताइन्छ ।