मोरङ- नेपाली कांग्रेसबाट मोरङ निर्वाचन क्षेत्र नम्बर–१ का उम्मेदवार खड्ग फागोले चुनावी घरदैलो अभियान सुरू गरेका छन्।

उर्लाबारी नगरपालिका वडा नम्बर–९ बाट घरदैलो अभियान सुरू गर्दै फागोले मतदाता भेटघाट तीव्र बनाएका हुन् ।

आगामी फागुन २१ गते हुने निर्वाचनका लागि उनले रुख चुनाव चिन्हमा मतदान गर्न मतदातासँग आग्रह गरेका छन्।

घरदैलो अभियानका क्रममा फागोले स्थानीयसँग प्रत्यक्ष संवाद गर्दै समस्या, आवश्यकता र अपेक्षाहरू बुझिरहेका छन्।

फागो उर्लाबारी नगरपालिकाका पूर्व मेयरसमेत हुन्। उनले विगतको विकास कार्यलाई निरन्तरता दिन प्रतिबद्ध रहने बताएका छन्।

स्थानीयले पनि फागोले उर्लाबारीमा थुप्रै विकासका काम गरेकोले समग्र विकास गर्दै जनताको हकहितमा उभिन आग्रह गरेका छन् ।