भोजपुर– नेकपा एमालेका सचिव तथा प्रतिनिधि सभा सदस्य निर्वाचन भोजपुरका उम्मेदवार शेरधन राईले संविधानको रक्षा, मुलुकको समृद्धि र भोजपुरको विकासका लागि आफ्नो उम्मेदवारी रहेको बताएका छन् ।

आफ्नो निर्वाचन क्षेत्रका मतदाताहरूसँग भेटघाट कार्यक्रममा रहेका राईले आज एक भिडियो सामाग्री राख्दै भोजपुरे जनताको आवश्यकता, माग र चाहनालाई प्रतिनिधित्व गर्नका लागि आफू उम्मेदवार बनेको उल्लेख गरेका छन् ।

उनले विगतमा निर्वाचित भएर धेरै काम सम्पन्न गरेको समेत बताएका छन् । उनले भनेका छन्– ‘धेरै योजनाहरू सम्पन्न भएका छन्, बनिरहेका छन्, कतिपय विकास निर्माणका कामहरू अधुरा, अपुरा रहेकाले उक्त योजना सम्पन्न गराउन मेराे उम्मेदवारी हो ।’