काठमाडौं- राष्ट्रिय सभाको बैठक आज बसिरहेको छ ।  

सिंहदरबारमा बसेको बैठकमा एक बुँदे सार्वजनिक सम्भावित कार्यसूचीका अनुसार संघीयता कार्यान्वयन अध्ययन तथा अनुगमन संसदीय विशेष समितिका संयोजक माननीय खिमलाल देवकोटाले संघीयता कार्यान्वयन अध्ययन तथा अनुगमन संसदीय विशेष समितिको प्रतिवेदन र सातै प्रदेशका प्रदेशगत प्रतिवेदन सभा समक्ष पेस गर्ने कार्यक्रम रहेको छ । 

गत भदौ २३ र २४ गते भएको जेन-जी आन्दोलनपछि स्थगित भएको राष्ट्रियसभाको बैठक ४ महिना पछि आइतबार पहिलो पटक बसेको थियो ।

उक्त दिन राष्ट्रियसभाका अध्यक्ष नारायणप्रसाद दाहालले राष्ट्रपतिबाट प्राप्त पत्र पढेर सुनाएका थिए ।

यस्तै, राष्ट्रिय सभाका सदस्य बलदेव बोहराको निधनप्रति शोक प्रस्ताव पारित गरेर आइतबारको बैठक सकिएको थियो र अर्को बैठक आजलाई तोकिएको थियो ।