काठमाडौं– टेकुस्थित शुक्रराज ट्रपिकल तथा सरुवा रोग अस्पतालको निर्देशकमा डा. अनुप बास्तोला नियुक्त भएका छन् ।
स्वास्थ्य तथा जनसंख्या मन्त्री डा. सुधा शर्माले मन्त्री स्तरिय निर्णय गर्दै सरुवा रोग अस्पतालको निर्देशकको जिम्मेवारी दिएकी हुन् ।
ट्रपिकल मेडिसिनका विज्ञ चिकित्सक डा.बास्तोला यसअघि केही समय उक्त अस्पतालको निर्देशकको जिम्मेवारीमा थिए । हाल उनी स्वास्थ्यमन्त्रीका स्वास्थ्य विज्ञ सल्लाहकारका रूपमा कार्यरत थिए ।
पूर्व निर्देशक डा. युवा निधि बसौला गण्डकी प्रदेश स्वास्थ्य मन्त्रालयको सचिवमा नियुक्त भएपछि मन्त्रालयले बास्तोलालाई निर्देशकको जिम्मेवारी दिएको हो ।
प्रतिक्रिया