काठमाडौं- पूर्वगृहमन्त्री रमेश लेखकलाई प्रतिनिधि सभाको टिकट नदिएको भन्दै उनका कार्यकर्ताले नेपाली कांग्रेसका सभापति गगन थापा र उपसभापति विश्वप्रकाश शर्माको पुत्ला जलाएका छन् ।

मंगलबार लेखक समर्थक कार्यकर्ताहरूले कञ्चनपुर क्षेत्र नम्बर ३ मा सभापति थापा र उपसभापति विश्वप्रकाश शर्माको पुत्ला दहन गरेका हुन् ।

गत भदौ २३ र २४ गतेको जेन-जी आन्दोलनका बेला गृहमन्त्री रहेका लेखकमाथि त्यसबेला भएको हत्याको दोष लाग्दै आएको छ।

उनले उक्त प्रकरणमा भदौ २३ गते अपरान्ह राजीनामा दिएका थिए । उनी गौरीबहादुर कार्की नेतृत्वक छानबिन आयोगको बयानमा पनि तानिए ।

तर विशेष महाधिवेशनबाट गगन थापा सभापति बनेसँगै उनलाई टिकट नदिन दबाब परेको थियो । हाल शेरबहादुर देउवा समूहमा रहेका उनलाई थापाले टिकट नदिएपछि लेखका कार्यकर्ता विरोधमा उत्रिएका हुन् ।