काठमाडौं– सरकारले गण्डकी र मधेश प्रदेशका स्वास्थ्य सचिवमा नयाँ नियुक्ति गरेको छ।

माघ २ गते बसेको मन्त्रीपरिषदको बैठकले गण्डकी प्रदेशको स्वास्थ्य सचिवमा डा. युवानिधी बसौलालाई नियुक्त गर्ने निर्णय गरेको छ। डा. बसौला यसअघि शुक्रराज ट्रपिकल तथा सरुवा रोग अस्पतालका निर्देशक थिए। 

यस नियुक्तिसँगै गण्डकी प्रदेश सचिव रहेका डा. विश्वबन्धु बंगालेलाई स्वास्थ्य तथा जनसंख्या मन्त्रालयमा स्थानान्तरण गरिएको छ।

त्यसैगरी, बैठकले मधेश प्रदेशको स्वास्थ्य सचिवमा डा. रामआधार यादवलाई नियुक्त गरेको छ। डा. यादव यसअघि स्वास्थ्य तथा जनसङ्ख्या मन्त्रालयमा कार्यरत थिए। मधेश प्रदेश मुख्यमन्त्री कार्यालयमा रहेका ओमप्रसाद अर्याललाई पनि स्वास्थ्य तथा जनसङ्ख्या मन्त्रालयमा सरुवा गरिएको छ।

यस निर्णयसँगै प्रदेशस्तरमा स्वास्थ्य प्रशासनमा नयाँ संरचना र जिम्मेवारीहरू कार्यान्वयनमा आउने अपेक्षा गरिएको छ।