काठमाडौं– राष्ट्रिय स्वतन्त्र पार्टी (रास्वपा)का उपसभापति स्वर्णिम वाग्लेले मधेश प्रदेशबाट आगामी निर्वाचनमा आफ्नो पार्टीलाई ६० प्रतिशत मत प्राप्त गर्ने बताएका छन् । 

सोमबार जनकपुरमा भएको सभालाई सम्बोधन गर्दै ०७९ मा भएको निर्वाचनमा आफ्नो पार्टीले सो क्षेत्रबाट १ लाख भन्दा कम मत पाएकोमा यसपटक धेरै मत प्राप्त गर्ने बताए ।

‘यसअघि भएको निर्वाचनमा हाम्रो पार्टीलाई एक लाख भन्दा कम मत प्राप्त भएको थियो, हामीले पार्टीलाई चिनाउन सकेका थिएनौँ’, उनले भने, ‘यसपटक यहाँ भएको ३३-३४ लाख मतदाता मध्ये ६० प्रतिशत मत घण्टीमा खस्नेछ ।’

नेता वाग्लेले रास्वपाले वर्तमान ७ प्रदेशको संरचनालाई नचलाउने तर, संघीयताभित्र भएको विकृतिलाई सच्याउने बताए ।