दोलखा- आगामी फागुन २१ गते हुने प्रतिनिधिसभा निर्वाचनको लागि निर्वाचन प्रहरीको रूपमा काम गर्न निवेदन दिनेको संख्या न्यून रहेको पाइएको छ ।
जिल्ला प्रहरी कार्यालय दोलखा र सशस्त्र प्रहरी बल कार्यालय मार्फत माग गरिएका १३ सय ५० जना मध्ये ९ सय ४९ जनाले मात्रै आवेदन दिएका छन् । कार्यालयका अनुसार आवेदन दिने अन्तिम दिन शनिबारसम्म ९ सय ४९ जनाले मात्रै आवेदन दिएको जिल्ला प्रहरी कार्यालय दोलखाले जनाएको छ ।
कार्यालयका अनुसार निर्वाचन प्रहरीमा भर्ना हुनको लागि ६ सय ९५ जना पुरुष र २ सय ५४ जना महिलाले आवेदन दिएका हुन् । कार्यालयले अझै ४ सय १ जना निर्वाचन प्रहरी अपुग रहेको जनाएको छ ।
प्रतिक्रिया