काठमाडौं– नेपाली कांग्रेसको दोस्रो विशेष महाधिवेशनका लागि उम्मेदवारी दर्ता प्रक्रियाअन्तर्गत मनोनयन पत्र वितरण भइरहेको छ।

महाधिवेशनस्थल भृकुटीमण्डमा निर्वाचन समितिले तय गरेको कार्यतालिकाको व्यवस्थाअनुसार पदाधिकारी तथा केन्द्रीय सदस्य पदका लागि इच्छुक उम्मेदवारहरूले मनोनयन पत्र लिइरहेका छन् ।

पदाधिकारीमा उम्मेदवारले दिउँसो ३.२५ सम्म ३० वटा मनोनयन पत्र लगिसकेका छन्। जसमा सभापति पदका लागि तीनवटा मनोयनपत्र इच्छुक उम्मेदवारले लगेका छन् ।

बाँकी उपसभापति लगायत अन्य पदाधिकारीको फर्म पनि वितरण हुँदैछ । सानेपामा दोस्रो चरणको त्रिपक्षी वार्ता हुने भएपछि निर्वाचन समितिले साँझ ५ बजेपश्चात् फर्म दर्ता गर्ने समय तोकेको छ।