काठमाडौं– नेपाली कांग्रेसको विशेष महाधिवेशनले कार्यविधि पारित गरेको छ । कांग्रेसको विधानको धारा १५ बमोजिम सर्वोच्च अधिकारसम्पन्न निकायलाई निहित हुने अधिकार प्रयोग गरी कांग्रेस विशेष केन्द्रीय महाधिवेशन कार्यविधि– २०८२ पारितसँगै अनुमोदन गरिएको हो ।
बन्द सत्रको हलले ध्वनि मतले कार्यविधि अनुमोदन गरेको हो । अब यही कार्यविधि अनुसार बन्द सत्र लगायतका अन्य कार्यक्रम अघि बढ्ने छन्।
बन्द सत्रको अध्यक्षता काठमाडौं–५ का महाधिवेशन प्रतिनिधि ज्येष्ठ सदस्य श्यामबहादुर खड्काले गर्दैछन् ।
बन्दसत्रको अध्यक्षको जिम्मेवारी ८८ वर्षीय प्रतिनिधि खड्कालाई दिने निर्णय भएको प्रचारप्रसार समिति संयोजक सुभास पोखरेलले बताए ।
प्रतिक्रिया