सर्लाही– ‎जनता समाजवादी पार्टी नेपाल सर्लाहीले प्रत्यक्ष निर्वाचन प्रणाली अन्तर्गत दशजना उम्मेदवारको नाम सिफारिस गरेको छ। सर्लाहीको चारवटा निर्वाचन क्षेत्रलाई समेटेर प्रत्यक्षतर्फ कुल दशजना उम्मेदवारको नाम सिफारिस भएको हो । 

जसपा नेपाल सर्लाही जिल्ला समितिले निर्वाचन क्षेत्र नं. १ बाट संजय कुमार पासवान, राम विश्वास राय र सुधीर कुमार यादवलाई उम्मेदवार चयन गरेको छ। 

सर्लाहीको क्षेत्र नं. २ बाट भरत चौधरी एकल उम्मेदवार चुनिएका छन् । सर्लाही निर्वाचन क्षेत्र नं. ३ बाट प्रेस मञ्च नेपालका केन्द्रीय कार्यवाहक अध्यक्ष मनोज कुमार यादव रायसहित रामपृत पासवान, डा. जय प्रकाश यादव (जे.पी.यादव) र विनोद यादवलाई सिफारिस गरिएको छ। 

यसैगरी, क्षेत्र नं. ४ बाट रामपृत पासवान र उदयकान्त मिश्रलाई प्रत्यक्ष उम्मेदवारका रूपमा सिफारिस गरिएको छ ।