वासिङ्टन – अमेरिकी विदेशमन्त्री मार्को रुबियोले आइतबार निकोलस मदुरोलाई पदच्युत गरी अनुसन्धानको दायरामा ल्याइएको दाबी गरेका छन्।

उनले अहिले भनेजुएलामा सरकारविहीन अवस्था रहेको तर यही अवस्थामा चुनाव गर्ने छलफल ‘अपरिपक्व’ हुने बताएका छन्।

शनिबार अमेरिकी सेनाले मदुरोलाई अपहरण शैलीमा न्युयोर्क पुर्‍याएको थियो। अब भेनेजुयलामा के छिट्टै निर्वाचन हुनेछ भन्ने सवालको जवाफमा रुबियोले एनबिसीको ‘मिट द प्रेस’ मा भने, “मलाई लाग्छ, यी सबै कुरा अहिले नै गर्नु ‘अपरिपक्व’ हुन्छ।

भेनेजुएलामा अझै समस्या भएको र त्यसलाई ध्यानमा राखेर अमेरिका अगाडि बढेको उनको दाबी छ। उनले भनेका छन्, , “अहिले हामीले मदुरो हुँदाका सबै समस्यामा ध्यान केन्द्रित गरिरहेका छौँ। हामीसँग अझै पनि ती समस्याहरू छन् र तिनीहरूलाई सम्बोधन गर्न आवश्यक छ। हामी मानिसहरूलाई ती चुनौती र समस्यालाई सम्बोधन गर्ने अवसर दिइरहेका छौँ।”

यता भेनेजुएलाको राजधानी काराकसमा त्यहाँको सेनाले उपराष्ट्रपति डेल्सी रोड्रिगेजलाई कार्यवाहक राष्ट्रपतिको रूपमा मान्यता दिएको छ।

अमेरिकाले भेनेजुएलामा आक्रमण गरी शनिबार राष्ट्रपति मदुरो र उनकी पत्नीलाई अपहरण शैलीमा न्यूयोर्कमा अनुसन्धानका लागि लगेपछि खाली रहेको पदमा रोड्रिगेजलाई कार्यवाहक राष्ट्रपतिका रूपमा मान्यता दिइएको हो।