मस्को– रुसी राष्ट्रपति भ्लादिमिर पु्टिनको निवासलाई लक्षित गरेको ड्रोनलाई रूसी प्रतिरक्षा प्रणालीले खसालिदिएको रूसले दाबी गरेको छ ।

नोभगोरोड क्षेत्रमा सोमबार खसालिएको युक्रेनी ड्रोनबारे रूसी विश्लेषणले यसले राष्ट्रपति पु्टिनको निवासलाई लक्षित गरेको देखाएको क्रेमलिनले जनाएको छ।

मन्त्रालयका अनुसार ड्रोनको नेभिगेसन प्रणालीको विशेष प्राविधिक जाँचका क्रममा विशेषज्ञहरूले विमान (ड्रोन) मा लोड गरिएको फ्लाइट मिशन फाइल निकाल्न सफल भएका हुन् । विमानको तथ्याङ्कको विश्लेषणले नोभगोरोड क्षेत्रमा राष्ट्रपति निवासको कुनै एक भागलाई निशाना बनाएको सिन्ह्वाले खबरमा लेखेको छ ।

मन्त्रालयले अनुसन्धानका क्रममा प्राप्त सामग्रीहरू स्थापित सञ्चार च्यानलहरूमार्फत थप पुष्टिका लागि संयुक्त राज्य अमेरिका पठाइने बताएको छ ।