काठमाडौं– काठमाडौंमा उत्पादित रायोको सागमा अत्यधिक मात्रामा विषादी भेटिएको छ । 

खाद्य प्रविधि तथा गुण नियन्त्रण विभागले स्थलगत रुपमा गरेको अनुगमनको क्रममा नागार्जुन ७ स्थित रामकोटको सक्रिय कृषि तथा पशुपन्छी फार्मको रायो सागमा अर्गानोफस्फेट नामको विषादीको मात्रा ९९.५२ प्रतिशत रहेको पाइएको छ । 

विभागको टोलीले सक्रिय कृषि तथा पशुपन्छी फार्मसहित ५ वटा कृषि फर्ममा अनुगमन गरेकोमा उक्त फार्मको रायोको सागमा उच्च मात्रामा विषादी भेटिएकाले उपभोग नगर्न  विभागले आग्रह गरेको छ । 

विषादीको प्रतिशत दर ३५ भन्दा कम हुँदा मात्रै उपभोगयोग्य मानिन्छ । तर पछिल्लो रायोको साग लगायत हरियो तरकारीमा विषादीको मात्रा उच्च देखिन थालेको छ । केही दिन अघि कालीमाटी फलफूल तथा तरकारी बजारमा बिक्रीका लागि ल्याइएको रायोको सागमा ९९. ०८ प्रतिशत विषादी भेटिएको थियो ।