काठमाडौं– प्रगतिशील लोकतान्त्रिक पार्टीको विद्यार्थी संगठनको संयोजकमा सन्दीप पुन चयन भएका छन् । नेपालको राजनीतिक तथा विद्यार्थी आन्दोलनको इतिहासमा पहिलो पटक शहीदका सुपुत्रले विद्यार्थी संगठनको केन्द्रीय नेतृत्व तहमा जिम्मेवारी पाएका हुन्।

महान जनयुद्धका शहीद कमरेड सुन्दर र महान शहिद कमरेड बृक्षाका सुपुत्र पुनलाई पार्टीको पुष १ र २ गते सम्पन्न केन्द्रीय समितिको बैठकको निर्णयअनुसार उक्त जिम्मेवारी दिइएको पार्टी स्रोतले जनाएको छ।

पार्टीका अनुसार पुनको नेतृत्वमा विद्यार्थी आन्दोलनलाई व्यवस्थित र सशक्त बनाउँदै लोकतान्त्रिक मूल्य मान्यता र प्रगतिशील विचारधारालाई अघि बढाइने विश्वास लिइएको छ। 

साथै, जेन-जी विद्रोहपछि स्थापित हुने पहिलो विद्यार्थी संगठन भएकाले यसको भूमिका आगामी दिनमा अझ प्रभावकारी हुने अपेक्षा गरिएको छ।