काठमाडौं– स्वास्थ्यमा समस्या देखिएपछि  ऊर्जा, जलश्रोत तथा सिंचाईमन्त्री वर्षमान पुन विहीबार साँझ अस्पताल भर्ना भएका छन् । मन्त्री पुनलाई साँझ थापाथलीस्थित नर्भिक अस्पतालमा भर्ना गरिएको हो ।

नर्भिकमा अहिले मन्त्री पुनको स्वास्थ्य जाँच र उपचार भइरहेको नर्भिक अस्पतालका प्रेस संयोजक आरपी मैनालीले बताए । उनले खबरहबसँग कुरा गर्दै भने–‘मन्त्रीज्यूको स्थास्थ्य  परीक्षणको रिपोर्ट आउँन बाँकी छ, रिपोर्ट भोलि मात्र आउँछ । स्वास्थ्य अवस्था सामान्य छ ।’

उनको उपचारमा डा. यादव भट्टसहितको चिकित्सक टोली जुटेको उनले जानकारी दिए । मन्त्री पुनको स्वस्थ्य अवस्था बुझ्न नेकपाका अध्यक्ष तथा प्रधानमन्त्री केपी शर्मा ओली,  सभामुख कृष्णबहादुर महरा, वनमन्त्री शक्ति बस्नेत, कानूनीमन्त्री भानुभक्त ढकाल, पूर्वगृहमन्त्री जनार्दन शर्मालगायत नेताहरू अस्पताल पुगका छन् ।