धनगढी– पूर्वप्रधानमन्त्री एवम् नयाँ शक्ति नेपालका संयोजक डा. बाबुराम भट्टराईले सम्भावनाका वावदुत पनि सुदूरपश्चिम विकासमा पछाडि पर्नु दुखदपूर्ण भएको बताएका छन् ।

पार्टीको जनसम्वाद कार्यक्रम सम्पन्न गरी काठामाडौं फर्किने क्रममा धनगढी विमानस्थलमा पत्रकारहरु संगको कुराकानी गर्दै डा. भट्टराईले असंख्य सम्भावना हुँदा हुँदै पनि सुदूरपश्चिम विकासमा सधैँ पछाडि पर्नु दुखद भएको बताएका हुन् ।

‘सुदुरपश्चिम अझै आर्थिक र रोजगारीको क्षेत्रमा पछाडि नै छ’, उनले भने ‘देश आर्थिक समृद्धिको दिसामा छ भन्दै गर्दा देशको एउटा भूभाग विकासको स्थिति अझै उस्तै हुनु पक्कै राम्रो होइन ।’

भट्टराईले अभियानको क्रममा आफूले सुदूरपश्चिममा सडक विकास भए पनि रोजगारी र आर्थिक विकास कमजोर देखेको बताए ।