काठमाडौं– स्वास्थ्य तथा जनसंख्या मन्त्री डा. सुधा शर्मा गौतम र विश्व स्वास्थ्य संगठन (डब्लुएचओ) का महानिर्देशक डा.टेड्रोस अधानोम घेब्रेयससबीच भारतको नयाँ दिल्लीमा महत्त्वपूर्ण भेटवार्ता सम्पन्न भएको छ ।

भेटका क्रममा स्वास्थ्यमन्त्री शर्माले नेपालमा मानसिक स्वास्थ्य सेवाको सुदृढीकरण, प्रजनन स्वास्थ्य, आप्रवासी स्वास्थ्य, स्वास्थ्य बीमा कार्यक्रम तथा औषधि खरिद र व्यवस्थापन प्रणालीमा सुधार ल्याउन नेपाल सरकारले चालेका कदमहरूबारे विस्तृत छलफल गरेकी छन् ।

विश्व स्वास्थ्य संगठनका महानिर्देशक डा.टेड्रोसले स्वास्थ्य क्षेत्रमा नेपाल सरकारले देखाएको उच्च प्रतिबद्धता र प्राथमिकताहरूको प्रशंसा गेरेकी छन् । 

उनले नेपालको स्वास्थ्य प्रणालीलाई थप प्रभावकारी बनाउँदै तय गरिएका लक्ष्यहरू हासिल गर्न डब्लुएचओको तर्फबाट निरन्तर प्राविधिक तथा रणनीतिक सहयोग उपलब्ध गराइने आश्वासन पनि दिएका छन् ।