एजेन्सी– युरोपेली च्याम्पियन्स लिग अन्तर्गत समूह डीको खेलमा युभेन्टस बिजयी भएको छ । युभेन्टसले लोकोमोटिभ मस्कोलाई पराजित गरेको हो ।

घरेलु मैदान एलिनाज स्टेडियममा भएको खेलमा पाउलो डिबालाले दुई गोल गर्दा युभेन्टसले जीत निकालेको हो ।

३०औं मिनेटमा अलेक्सी मिरानचुकले गोल गर्दै लोकोमोटिभलाई अग्रता दिलाएका थिए ।

दोस्रो हाफको ७७ औं मिनेटमा डिबालाले गोल गर्दै युभेन्टसले बराबरीको अवस्था बनाएको थियो । ७९ औं मिनेटमा डिबाला दोस्रो गोल गर्दा युभेन्टसको पराजय रोकिन पुग्यो । त्यसपछि कुनै गोल हुन नसकेका कारण युभेन्टस विजयी भयो ।

समूह डीमा युभेन्टसको सात अंक छ भने मस्कोको तीन अंक छ । स्पेनिस क्लब एट्लेटिको मड्रिडले पनि जित हात पार्दै सातै अंक बनाएको छ ।