काठमाडौं– नेकपा एमालेका उम्मेदवार सुहाङ नेम्वाङले आफू साझा उम्मेदवार भएको बताएका छन्।
मङ्गलबार ओली समूहले केन्द्रीय सदस्यमा उनको नाम समावेश गरिएको भन्ने कुरा आएपछि खबरहबले सोधेको प्रश्नमा उनले भने, ‘म कुनै प्यानलको उम्मेदवार होइन म एमालेको साझा उम्मेदवार हुँ।’
बुबा सुवास नेम्वाङको निधनपछि उपनिर्वाचनमा इलामबाट निर्वाचित नेम्वाङ युवामाझ लोकप्रिय नेता हुन् ।
सुरुमा उनको नाम ओलीसम्मले केन्द्रीय सदस्यमा समावेश गरेपनि इलाम क्षेत्र नम्बर १ का सांसद महेश बस्नेतसँगको लफडाका कारण उनको नाम हटाइएको थियो।
अग्रज हुँदाहुँदै पनि केन्द्रीय सदस्यमा सुहाङको नाम राखिएको भन्दै नेताहरूले असन्तुष्टि जनाएका थिए।
त्यसपछि क्षेत्र नम्बर १ का पूर्व सांसद बस्नेत र दुईका पूर्व सांसद नेम्बाङ दुवैको नाम ओलीको प्यानलमा केन्द्रीय कमिटीमा थिएन ।
तर चर्को आलोचना भएपछि मङ्गलबार ओलीले उनको नाम आफ्नो प्यानलमा समावेश गरिएको दाबी गरिएको छ।
नेम्वाङ पक्षले भने आफ्नो जित सुनिश्चित भएपछि ओलीले आफ्नो नाम समावेश गरेजस्तो रणनीति बनाएको दाबी गरेको छ।
महाधिवेशनस्थलमा निकै आकर्षक र लोकप्रिय देखिएका नेम्वाङलाई खुला केन्द्रीय सदस्यमा पनि प्रतिनिधिले जिताउने आँकलन गरिन्छ।
प्रतिक्रिया