काठमाडौं– चिकित्सा विज्ञान राष्ट्रिय प्रतिष्ठान (न्याम्स) को स्थगित भएको स्नातकोत्तरको प्रवेश परीक्षा आउँदो शनिबार हुने भएको छ ।

न्याम्सले सूचना जारी गर्दै कात्तिक २ गते स्थगित भएको परीक्षा एमडी,एमएस र एमडीएसको परीक्षा आगामि कात्तिक ९ गते शनिबार गर्ने जनाएको हो ।

स्वास्थ्य तथा जनसंख्या मन्त्रालयको पत्राचार तथा न्याम्सको निर्णय अनुसार यसअघिको परिक्षा स्थगित भएको थियो । प्रवेश परीक्षाका लागि फारम भरेका कतिपय विद्यार्थी शनिबारसम्म काठमाडौं आइपुग्न नसक्ने भन्दै विद्यार्थीहरुले नै मन्त्री यादवलाई ध्यानाकर्षण गराएपछि स्वास्थ्यमन्त्रीले परीक्षा रोक्न पत्राचार गरेका थिए ।

यसअघिकाे परीक्षा स्थगित भएपछि केही केही विद्यार्थीहरु आक्रोश पोख्दै मन्त्रालय घेर्न पुगेका थिए ।