काठमाडौं- नेकपा एमालेको एघारौँ महाधिवेशन अन्तर्गत आइतबार भृकुटीमण्डपमा पहिलो दिनको बन्दसत्र सुरू भएको छ ।

अध्यक्ष केपी शर्मा ओलीले बन्दसत्र अघि बढाउन निर्देशन दिएका हुन् । विधान संशोधन गरेर १० औँ महाधिवेशनकै कमिटीमा फर्काएपछि बन्दसत्र अघि बढेको हो ।

एमाले केन्द्रीय सदस्य रविन कोइरालाका अनुसार बन्दसत्र बैठक भर्खरैबाट सुरु भएको हो।

यो बन्दसत्रले हलबाट १९ सदस्यीय पदाधिकारी र ३०१ सदस्यीय केन्द्रीय कमिटी चयन गर्नेछ । ओलीले आफूलाई चुनौती दिएका वरिष्ठ उपाध्यक्ष ईश्वर पोखरेललाई रोक्न सबै हतकण्डा प्रयोग गरिसकेका छन् ।

मनोनीत १०८ जना आफ्नै पक्षमा चयन गर्नेदेखि तीन महिनामै विधान तोडमोडसम्मका निर्णयपछि एमालेको बन्दसत्र अघि बढाइएको हो ।