काठमाडौं– नेकपाका वरिष्ठ नेता माधवकुमार नेपालले बुधवार एयर डाइनेस्टीको हेलिकोप्टर दुर्घटनामा परि निधन भएका नेकपाका नेता एवं संस्कृति पर्यटन तथा नागरिक उड्डयन मन्त्री रवीन्द्र अधिकारीको निधनप्रति श्रद्धान्जली व्यक्त गरेका छन् ।

देशले एउटा शाहसी, आशालाग्दो र परिणाममुखी, काममा सदा सक्रिय रहेन युवा राजनीतिकर्मीलाई गुमाउनुको पीडा शव्दमा व्यक्त गर्न सम्भव नभएको नेता नेपालले जारी गरेको विज्ञप्तिमा भनिएको छ ।

नेपाली कम्युनिष्ट पार्टीलाई एकिकृत बनाउन लिएको पहलकदमी एवं पछिल्ले समय मन्त्रीका रुपमा उनले आरम्भ गरेका सुधारका कार्यहरुबाट सिंगो पार्टी नै लाभाविन्त हुने नेता नेपालले जारी गरेको विज्ञप्तिमा उल्लखे गरिएको छ ।

नेता नेपालले अकल्पनीय दुर्घटनाका कारण सिंगो पार्टी, अधिकारीकी धर्मपत्नी, आमा बुवा, छोराहरुसहित दुर्घटनामा निधन हुने सम्पूर्णका शोकाकुल परिवारजनमा गहिरो समवेदना व्यक्त गरेका छन् ।