काठमाडौं– झापा क्षेत्र नम्बर १ ले आगामी २१ फागुनमा हुने प्रतिनिधि सभा उपनिर्वाचनका लागि नेपाली कांग्रेसका महामन्त्री विश्वप्रकाश शर्मालाई एकल रूपमा अघि सारेको छ।
क्षेत्रीय कार्यसमितिको बैठकले शर्माको नाम सर्वसम्मत रूपमा जिल्ला कार्यसमितिमा पठाएको छ।
क्षेत्रीय सभापति इन्द्रबहादुर बुढाथोकीका अनुसार अन्य कुनै नाम प्रस्ताव गरिएको छैन। समितिले शर्मा नै उपयुक्त उम्मेदवार ठहर गर्दै सिफारिस गरेको उनले बताए।
शर्मा २०७९ को निर्वाचनमा झापा १ बाट विजयी भएका थिए। २०७४ को प्रतिनिधि सभा चुनावमा उनी यहीँबाट पराजित भएका थिए । २०७० को संविधान सभा निर्वाचन पनि उनी यही क्षेत्रबाट लडेका थिए।
प्रतिक्रिया