काठमाडौं– राष्ट्रिय प्रजातन्त्र पार्टीले मंगलबार काठमाडौंमा प्रदर्शन गरेको छ ।

राजा, राजनीतिक दल र जेन-जीकाबीच नवीन समझदारीका लागि दबाब दिने उद्देश्यका साथ राप्रपाले मंगलबार काठमाडौंको रत्नपार्क क्षेत्रमा प्रदर्शन गरेका हुन् । प्रदर्शनमा सहभागीहरूले राजसंस्था, हिन्दु राष्ट्रको पक्षमा नारा लगाएका थिए ।

राप्रपाले आम निर्वाचन अगावै–कसैले नजित्ने, कसैले नहार्ने देशले जित्ने नवीन समझदारी हुनुपर्नेमा जोड दिँदै आएको छ । 

त्यसका लागि राप्रपाले राजा, राजनीतिक दल र जेन-जी लगायतको सर्वपक्षीय सम्मेलन आह्वानको माग समेत गरेको छ ।

राप्रपाले विदेशमा बस्ने नेपालीको मतदान गर्ने अधिकार सुनिश्चित गर्नुपर्ने, जेन-जी आन्दोलनका सहिद परिवार तथा घाइतेहरूको माग पूरा गर्नुपर्ने जनाएको छ ।