काठमाडौं- बुवा रामनारायण साहको निधनपछि शोकमा रहेका काठमाडौं महानगरपालिकाका मेयर बालेन्द्र साहलाई भेटेर प्रधानमन्त्री सुशीला कार्की सिंहदरबार फर्किएकी छन् ।

बालेन्द्रको सिनमंगल-गैह्रीगाउँस्थित निवासमा आइतबार दिउँसो २ बजे पुगेकी उनले परिवारजनलाई समवेदना प्रकट गरेर सिंहदबार फर्किएकी हुन् ।

जेन-जी आन्दोलनपछि बालेनकै बलमा प्रधानमन्त्री बनेकी कार्की फागुन २१ मा चुनाव गराउने पक्षमा छिन् । उता बालेनले भदौ २३ गतेको दमनका दोषीहरूलाई पक्राउ र कारबाही गर्न सुधन गुरुङहरूमार्फत् निरन्तर दबाब दिइरहेका छन् ।

बालेनका बुवा रामनारायणको मंसिर १५ गते नयाँबानेश्वरस्थित निजामती कर्मचारी अस्पतालमा निधन भएको थियो । रामनारयणको पुर्ख्यौली थलो महोत्तरी हो ।