जनकपुरधाम– मधेश प्रदेशका मुख्यमन्त्री सरोज कुमार यादवले पदबाट राजीनामा दिएपछि नयाँ सरकार गठनको आह्वान गरिएको छ ।

बुधबार प्रदेश प्रमुख सुरेन्द्र लाभ कर्णले नयाँ सरकार गठनका लागि आह्वान गरेका हुन् ।

प्रदेश प्रमुखको कार्यालयले मुख्यमन्त्री यादवले नेपालको संविधानको धारा १६९(१)(क) बमोजिम दिएको राजीनामा मंसिर १७ गते स्वीकृत गरिएको जनाएको छ। राजीनामा स्वीकृत भएपछि संविधानको धारा १६८(२) अनुसार नयाँ मुख्यमन्त्री चयन प्रक्रिया सुरु भएको छ।

प्रदेश सभामा बहुमत जुटाउन सक्ने सदस्यले दुई वा दुईभन्दा बढी दलको समर्थनसहित मंसिर १९ गते शुक्रबार साँझ ५ बजेसम्म दाबी पेश गर्नुपर्नेछ। 

कार्यालयका अनुसार सो समयभित्र वैध दाबी नआएपछि संविधानअनुसारको अर्को प्रक्रिया अघि बढाइने छ।