मुम्बई – बलिउडमा किङ खानका रुपमा चिनिएका शाहरुख खान र आमिर खानसँग भारतका प्रधानमन्त्री नरेन्द्र मोदी भेट गरेपछि शाहरुखले धन्यवाद व्यक्त गरेका छन् । शाहरुखले एक ट्वीटका माध्यमबाट मोदीलाई धन्यवाद दिएका हुन् ।

‘प्रधानमन्त्री नरेन्द्र मोदीले हाम्रो आतिथ्यताका लागि धन्यवाद,’ शाहरुख खानले लेखेका छन्, ‘महात्मा गान्धीको विचारलाई अगाडि बढाउन कलाकारको भूमिकाका बारेमा पनि खुलेर कुरा गर्नुभएकोमा पनि धन्यवाद ।’

Thank u @narendramodi for hosting us & having such an open discussion on #ChangeWithin & the role artistes can play in spreading awareness of the msgs of The Mahatma. Also the idea of a University of Cinema is extremely opportune! pic.twitter.com/kWRbNk3xzo

— Shah Rukh Khan (@iamsrk) October 19, 2019

उनले अगाडि लेखेका छन्, ‘साथै युनिभर्सिटी अफ सिनेमाको विचार पनि निकै राम्रो छ ।’

प्रधानमन्त्री नरेन्द्र मोदीले शनिवार साँझ बलिउड सितारासँग भेटघाट गरेका थिए । यस दौरान शाहरुख खानले आफ्नो विचार पनि प्रधानमन्त्रीसँग राखेका थिए । अन्य कलाकारले पनि मोदीसँग कुराकानी गरेका थिए ।

यसअघि चुनावका बेला मोदीले अभिनेता अक्षय कुमारसँग भेट गरेका थिए । उनको भेटलाई कतिपयले राजनीतिक भेटका रुपमा पनि अर्थ्याएका थिए । यसपटक उनले सेलिब्रेटीहरूलाई भेटेपछि प्रमले बलिउड उद्योगप्रति माया दर्शाएको भन्दै मोदीको तारिफ समेत गरेका छन् ।