काठमाडौं- साविकको विजेता म्यानचेस्टर सिटी इन्ग्लिश प्रिमियर लिग फुटबलको दोस्रो स्थानमा उक्लिएको छ ।

शनिबार राति भएको खेलमा क्रिष्टल प्यालेसलाई २-० गोल अन्तरले हराउँदै सिटी दोस्रो स्थानमा उक्लिएको हो ।

क्रिष्टलको मैदानमा सिटीलाई जित दिलाउन ग्राबियल जिसस र कप्तान डेभिड सिल्भाले एक एक गोल गरे । सिटीले दुवै गोल पहिलो हाफमा गरेको थियो ।

खेलको ३९ औं मिनेटमा जिससले गोल गर्दै सिटीलाई १-० को अग्रता दिलाए । त्यसपछि खेलको ४१ औं मिनेटमा सिल्भाले गोल गर्दै सिटीलाई २-० को जित दिलाए ।

जितसँगै दोस्रो स्थानमा उक्लिएको सिटीले ९ खेलबाट १९ अंक जोडेको छ । सिटी शीर्ष स्थानको लिभरपुल भन्दा ५ अंकले पछि छ । लिभरपुलको २४ अंक छ ।

पराजित क्रिष्टल १४ अंक जोडेर छैटौं स्थानमा छ ।