सोलुखुम्बु- सोलुखुम्बुमा भिरबाट लडेर एक विदेशी महिलाको मृत्यु भएको छ ।
सोलुखुम्बुको पासाङल्हामु गाउँपालिका-५ कोङ्देस्थित भिरबाट लडेर पोल्याण्डबाट नेपाल घुम्न आएकी २६ वर्षीय पेसिता मेलिना नाम गरेकी महिलाको शुक्रबार दिउँसो मृत्यु भएको हो ।
उनी यात्रा गर्ने क्रममा भिरबाट लडेकी थिइन । उनको घटनास्थलमै मृत्यु भएको सोलुखुम्बु प्रहरीले जनाएको छ ।
घटना जानकारीमा आएपछि इलाका प्रहरी कार्यालय नाम्चेको प्रहरी टोलीले भिरबाट दुई सय मिटर तल खसेकी विदेशी महिलाको शव उद्धार गरेको थियो ।
शव लुक्लातर्फ लगिरहेको सोलुखुम्बु प्रहरीलाई उद्धत गर्दै एक नम्बर प्रदेश प्रहरी कार्यालय विराटनगरले जनाएको छ ।
प्रतिक्रिया