काठमाडौं–  राष्ट्र, राष्ट्रियता, धर्म–संस्कृति र नागरिक बचाउ अभियानका संयोजक दुर्गा प्रसाईँले आफूहरूले घोषणा गरेको आन्दोलन नरोकिने बताएका छन् ।  

सोमबार आफ्नै निवास भक्तपुरमा सञ्चारकर्मीसँग कुरा गर्दै प्रसाईँले आफूहरूको मागका बारेमा सरकारलाई जानकारी गराउँदा समेत कुनै चासो नदेखिएको भन्दै पूर्वघोषित आन्दोलन नरोकिने बताएका हुन् ।

उनले शान्तिपूर्ण आन्दोलन गर्न पाउने सबैको अधिकार भएकाले आफूहरूको आन्दोलनलाई कसैले रोक्न नसक्ने धारणा राखे ।

त्यस्तै प्रसाईँले जेन-जीले उठाएका मुद्दामा भन्दा वर्तमान सरकारको ध्यान निर्वाचनमा मात्रै केन्द्रित भएको भन्दै आपत्ति जनाए । 

उनले आफूहरूले अघि सारेका एजेन्डाका बारेमा जनमत संग्रह गर्नुपर्ने बताए । जनमत संग्रहमा नगए आफूहरूको आन्दोलन निरन्तर अघि बढ्ने उनको भनाइ छ ।