काठमाडौं– वुमेन्स च्याम्पियन्स लिग (ड्ब्लुसिएल) अन्तर्गत विहीबार भएको आफ्नो पहिलो खेलमा विराटनगर टाईटन्सले विजयी शुरुवात गरेको छ ।

त्रिभुवन विश्वविधलयमा बिहीबार भएको दोस्रो खेलमा विराटनगरले ललितपुर फाल्कोन्सलाई ४ विकेटले पराजित गर्दै विजयी शुरुवात गरेको हो ।

टस हारेर पहिलो ब्याटिङ गरेको ललितपुरले दिएको १ सय २३ रनको विराटनगरले १६ ओभरमा ६ विकेट गुमाएर पुरा गर्यो ।

ओपनर ब्याटर ज्योति पाण्डे र सोनु खड्का ८३ रनंको ओपनिङ साझेदारी खेल्दा विराटनगर सहज अवस्थामा पुगेको थियो ।
जसमा ज्योति पाण्डेले अर्धशतक पूरा गरिन् । उनले ४३ बलमा १० चौका र १ छक्काको मद्दतमा ६५ रन बनाइन् ।

यस्तै, सोनु खडकाले २४ रन र अस्मिना बज्राचार्यले १२ रन बनाइन् । विराटनगरविरुद्ध ललितपुरकी सम्झना खडकाले २ तथा करुणा भण्डारीले १–१ विकेट लिन सफल भएका थिए ।

यसअघि पहिलो ब्याटिङ गरेको ललितपुरले निर्धारित २० ओभर पूरै खेल्दै ७ विकेटको क्षतिमा १ सय २२ रन बनाएको थियो ।
ललितपुरका लागि ममता चौधरीले सर्बाधिकले २८ रन, करुणा भण्डारीले २१, कृति शेन र सम्झना खड्काले समान १३–१३ रन बनाएकी थिइन् ।
ललितपुरविरुद्ध बिराटनगरकी सबनम राई र आरती बिडारीले समान १–१ विकेट लिएका थिए । प्रतियोगितामा शुक्रबार दुई खेल हुनेछ ।
शुक्रबार हुने पहिलो खेलमा बिराटनगर र पोखरा भिड्ने छन भने दोस्रो खेलमा चितवन र ललितपुर भिड्ने छन् ।