जनकपुरधाम- मधेश प्रदेशका नवनियुक्त मुख्यमन्त्री सरोजकुमार यादवले मंगलबार पदभार ग्रहण गरेका छन् ।

सोमबार महोत्तरीको बर्दिबासस्थित पानस होटलमा प्रदेश प्रमुम सुमित्रा सुवेदी भण्डारीबाट मुख्यमन्त्रीको नियुक्ति लिएका उनले मंगलबार जनकपुरधाम पुगेर पदभार ग्रहण गरेका हुन् ।

उनले पदभार ग्रहण गर्ने क्रममा मधेशका निवर्तमान मुख्यमन्त्री जितेन्द्र सोनारसहित विरोध प्रदर्शनमा उत्रिए । नेपाली कांग्रे‍स र नेकपा माओवादी केन्द्रसहितका दलले प्रदर्शन गरेका हुन् ।

सर्वोच्च अदालतका न्यायाधीश टेकप्रसाद ढुंगानाको इजलासले दीर्घकालीन महत्वका निर्णय नगर्न आदेश दिएलगत्तै यादवले पदभार ग्रहण गरेका हुन् ।

उनले पदभार ग्रहणका क्रममा मधेश आन्दोलनका शहीदहरूलाई मधेश रत्नले सम्मानित गर्ने पहिलो निर्णय गरेका छन् ।

मुलुकमा संघीयता ल्याउन मधेसका शहीदहरूको अतुलनीय योगदान रहेको मुख्यमन्त्री यादवले बताए ।

उनले शहीदका परिवारलाई मधेसमा आर्थिक सहयोग त दिइए पनि शहीदहरूलाई सम्मान नभएको बताए । त्यसैले पहिलो निर्णयमै मधेश रत्नबाट हीदलाई सम्मान गर्ने निर्णग गरेको उनले जानकारी दिए ।