काठमाडौं– प्रविणता प्रमाणपत्र तह (पीसीएल) नर्सिङको लाइसेन्स परीक्षाको नतिजा एकदमै कमजोर आएको छ । 

नेपाल नर्सिङ परिषद्ले कात्तिक १६ देखि १८ गते सम्म सञ्चालन गरेको परीक्षामा जम्मा १७ दशमलव ४४ प्रतिशत परीक्षार्थी उत्तीर्ण भएका हुन् । 

परिषद्का  अनुसार पीसीएल नर्सिङको लाइसेन्स परीक्षाका लागि ६४५ जनाले फारम भरेका थिए ।  जस मध्ये  ६०२ जना मात्रै  सहभागी भएका थिए।  परीक्षामा सामेल भएका मध्ये १०५ जना मात्र लाइसेन्स परीक्षा उत्तीर्ण गरेको परिषद्ले जनाएको छ । 

नर्सिङ परिषद्ले गत असारमा लिएको लाइसेन्स परीक्षामा १९ प्रतिशत मात्र उत्तीर्ण भएका थिए । यस्तै बीएस्सी नर्सिङ तर्फ ४५ दशमलव ७१ प्रतिशत उत्तीर्ण भएका छन् । बीएस्सी नर्सिङमा कुल २१० जनाले दिएको परीक्षामा ९६ जना मात्रै पास भएको परिषद्ले जनाएको छ । 

त्यस्तै विशेषज्ञ नर्सको नाम दर्ता परीक्षामा ८९ जना सहभागी भएकोमा ५० जना मात्रै उत्तीर्ण भएका छन् ।