काठमाडौं– काभ्रेको नमोबुद्ध नगरपालिका–११ स्थित ऐतिहासिक तथा पर्यटकीयस्थल नमोबुद्धमा बुधबार नमोबुद्ध मेला लागेको छ ।  

हरेक वर्ष कात्तिक शुक्ल पूर्णिमा तिथिमा दिन नमोबुद्ध मेलाका साथै जात्रा हुने गर्दछ । जात्रामा दिवंगत आत्माहरुको स्मरणमा दिप प्रज्वलन तथा पूजाआजा गर्ने गरिन्छ । देशका विभिन्न जिल्लासँगै अन्य देशहरूबाट बौद्ध धर्मालम्बीहरु जात्रामा आउने गर्छन् ।

पूर्णिमाको दिन शान्तिका प्रतीक गौतमबुद्धको पूर्वजन्ममा ‘राजकुमार’ले देह त्याग गरी बघिनीलाई जीवन प्रदान गरेको दिन मानिने भएकाले यस दिन विशेष ठूलो घुइँचो लाग्ने गर्दछ । किंवदन्ती अनुसार बुद्धले लुम्बिनीमा पुनर्जन्म प्राप्त गरेपछिको जीवन त्याग गरेको भूमि जो, ‘नमोबुद्धाय नमः’बाट नमोबुद्ध नामारकण भएको स्थान मानिन्छ ।

द्वापरयुगका उनै राजकुमारको अस्थिपञ्जर गाडी बनाइएको चैत्य र जीवन त्याग गरेको स्थानमा पूजाअर्चना र दीप प्रज्वलन गर्न बर्सेनि बौद्ध धर्मालम्बी नमोबुद्धमा पुग्ने गर्दछन् ।