कैलाली– घरेलु तथा साना उद्योग कार्यालय कैलालीमा १५६ नयाँ उद्योग दर्ता भएका छन् । चालु आर्थिक वर्षको तीन महिनामा यी उद्योग थपिएका हुन् ।
घरेलु तथा साना उद्योग कार्यालयका अनुसार उक्त अवधिमा ३२ उत्पादनमूलक, ५० कृषिमूलक र ७४ वटा सेवामूलक उद्योग दर्ता भएका हुन् । जिल्लामा हालसम्म १६ हजार २६ घरेलु तथा साना उद्योग दर्ता भएका छन् ।
चालु आर्थिक वर्षको सोही अवधिमा स्थानीय व्यापारअन्तर्गत वाणिज्यसम्बन्धी २०० वटा फर्म दर्ता भएका छन् ।
उक्त कार्यालयले चालु आर्थिक वर्षको उक्त अवधिमा ३९ लाख ९१ हजार ६९९ राजस्व सङ्कलन गरेको छ ।
गत आर्थिक वर्षमा एक करोड ६३ लाख ९७ हजार राजस्व सङ्कलन भएको थियो ।
प्रतिक्रिया